Datorren ikasturteari begira, eskolaz kanpoko ikastaroak antolatzeko asmoz, gurasoek beren seme/alabentzako dauden ikastaro desberdinengan duten interesa ezagutu behar dugu. Ingeles ikastaroaz gain (oharra bidali dugu) antzerki tailerrean parte hartzeko asmoa duten haurren izena behar dugu. Tailer honetan 4 urtetik gorako haurrek parte har dezakete eta astelehen arratsaldeetan ematen dira 5etatik 6etara bitartean.

Hauez gain igeriketa ikastaroa ere badugu. Ikastaro hau astearte eta ostegunetan ematen da arratsaldeko 5.30etatik 6.15etara eta Lazkaoko polikiroldegiak 3 urtetik gorako haurrak hartzen ditu.

Eragozpenik ezean aurtengo ordutegi berdinekin jarraitzea eskatuko diegu irakasleei. Honela, astelehenetan antzerki tailerra egongo da, astearteetan igeriketa, asteazkenetan ingelesa eta ostegunetan berriro igeriketa. Ostiraletan, aurtengo moduan, ikasturte osoa behar ez duten ikastaro motzak antolatuko genituzke.

Hauek dira orain arte martxan jarri diren ikastaroak baina beste ikastaroren bat gogoko baduzue esan iezaguzue eta martxan jartzen saiatuko gara. Izen emateko 648 88 85 13 telefonora deitu edo email bat bidali Esta dirección electrónica esta protegida contra spam bots. Necesita activar JavaScript para visualizarla   helbidera ekainaren 4a baino lehen.

Kuttun Guraso Elkarteak egindako azken bileran zaintza zerbitzua eskaintzea erabaki zen ekainaren 28tik uztailaren 30era bitarteko oporraldian.

Aurten, aurreko urteetan bezala, zerbitzua hiru tramutan banatuko da beharren arabera. Lehenengo tramua goizeko 10ak arte, hirugarren tramua 13etatik …. bazkaria barne. 10etatik 13etara bitarteko tramua berriz udalekuek beteko dute (ludotekan izena eman behar da).

Zerbitzua antolatzeko interesatuen izena eta beharra ezagutu behar ditugu. Izen emateko 626 96 29 34 (Amaia) telefonora deitu behar da.

Hauez gain, ekainaren 16tik 23ra ez da klaserik egongo arratsaldez baina jangela zerbitzua ematen jarraituko da. Arratsaldez zaintza zerbitzua behar dutenentzako Aintzane 15.45 arte egongo da.

Izen emateko 626 96 29 34 (Amaia) telefonora deitu ekainaren 4a baino lehen.

Oharra: Ekainaren 24 eta 25ean ez da zaintza zerbitzurik emango

Eskolaz kanpoko jardueren barnean ingeles ikastaroa ematen zuen irakasleak, Maider Berasategik, maiatzaren erdialdean agur esan zigun arrazoi pertsonalengatik. Ikusirik ingeles ikastaroekin jarraitzeko interesa dagoela, On the Move  akademiarekin (Lazkaoko San Benito ikastolan eskolaz kanpoko ikastaroak ematen dituena) harremanetan jarri gara Olaberrian klaseak eman ditzan.

Eskolaz kanpoko beste ekintzekin koordinatu ahal izateko, printzipioz ingeles ikastaroa asteazkenetan emango litzateke arratsaldeko 5etatik 6etara. Akademiako zuzendaria de Silvanak adierazi digunez 3 urtetik gorako haurrek parte har dezakete ikastaroetan, eta gure haurren adinak kontutan izanik talde bat baino gehiago eratu daitezke.

Ikastaroak antolatu ahal izateko parte hartzeko interesa duten haurren izena eta adina ezagutu behar ditugu. Izen ematea ekainaren 4a baino lehen egin behar da 943 88 11 11 edo 648 88 85 13 telefonora deituz edo email bat bidaliz Esta dirección electrónica esta protegida contra spam bots. Necesita activar JavaScript para visualizarla helbidera.

Liburuxka honen bidez, Olaberriko Eskola Publikoa ezagutzera gonbidatzen zaituztegu, zuen seme/alabarentzako aukerarik onena dela pentsatzen dugulako.Ikusi liburuxka hemen.