|
Olaberriko herri eskolako Kuttun guraso elkarteak Hezkuntza Praktika Onen lehen lehiaketan hirugarren saria jaso zuen Bilbon, Euskal Eskola Publikoaren jaian. Kuttunek garatu du lehiaketara aurkeztu dituzten 27 proiektuetatik bat, Olaberria Zeba zenekoa. Ipuin modura, herriaren historiako pasarte bat kontatzen du. Lana bi formatuetan argitaratu dute. Batetik, DVD formatuan, irakurtzen ez dakiten haurrentzako eta bestetik, helduagoentzat liburuxka formatuan. Saria jaso duen lana, sorta bateko lehen fruitua da soilik, jarraipena izango baitu. Proiektu honek bi helburu nagusi ditu: Olaberriko haurrek herriaren iraganaren berri jakiteko ikasgaia sortzea batetik, eta horretan ahalik eta guraso gehienek parte hartzea bestetik. Marrazkilari profesional baten laguntzaz, gurasoek eraman dute aurrera prozesu osoa. Dokumentatu, gidoia definitu, ipuina maketatu, audio grabaketak egin, DVDa montatu, …. den dena gurasoek egin dute. Herriko historia biltzeko egitasmoa du esku artean Kuttunek, bertako istorio, elezahar, adinekoen testigantza eta bibliografiaren bitartez. Edukia ipuin modura zabalduko dute gero, haurrentzat erosoen eta ulerterrazen den modua delako. Kuttunen lehendakari Ainhoa Arrietak jaso zuen saria Bilbon, Isabel Celaa sailburua, Ana Puente guraso elkarteen konfederaziokoa eta Iñaki Azkuna alkatea buru zirela. Eskola txiki guztiei eskaini zien saria Arrietak. Aretxabaletako Kurtzebarri guraso elkarteak eta Bilboko Juan Delmas elkarteak jaso dituzte aurreneko bi sariak. Komunikabideetan aipamenak: http://goierriekialdea.hitza.info/2011/06/07/kuttun-elkartea-saritu-dute-bilbon-olaberriko-istorioen-bildumagatik/ http://www.diariovasco.com/v/20110607/tolosa-goierri/premio-para-asociacion-kuttun-20110607.html http://www.hamaika.tv/index1.php?nid=3464&id_mikrosaio= http://www.ehige.org/es/?p=506 http://www.baikara.org/es/?p=1394 http://www.gitb.info/index.php?option=com_hwdvideoshare&task=viewvideo&Itemid=10&video_id=1567 |
